ఇరాన్ సుప్రీం లీడర్ అయతొల్లా అలీ ఖమేనీ మరణించినట్లు వార్తలు వస్తున్న తరుణంలో, ఒక యువతి చేసిన సాహసోపేతమైన పని ప్రస్తుతం సోషల్ మీడియాలో దావాగ్నిలా వ్యాపిస్తోంది.
ఆ యువతి, మండుతున్న ఖమేనీ ఫోటోను ఉపయోగించి చాలా నిమ్మళంగా తన సిగరెట్‌ను వెలిగించుకుంటున్న వీడియోను విడుదల చేసి, “చీర్స్” (Cheers) అని క్యాప్షన్ ఇచ్చింది. ఇరాన్‌లో మహిళల స్వేచ్ఛ కోసం పోరాడే నిరసనకారుల గొంతుకగా ఈ వీడియో కనిపిస్తోంది. అక్కడి ప్రభుత్వ కఠినమైన అణచివేతకు ఈ చర్య ఒక సవాలుగా నిలుస్తోంది.
మరణించిన నాయకుడిని అవమానించేలా ఉన్న ఈ చర్యను చూసి ఒక వర్గం ప్రజలు దిగ్భ్రాంతి చెందుతుండగా, ఇరాన్ ప్రభుత్వ నిరంకుశ పాలనతో విసిగిపోయిన అనేకమంది ఆ యువతి ధైర్యాన్ని అభినందిస్తున్నారు. ఇప్పటికే ఉద్రిక్తంగా ఉన్న ఇరాన్‌లో, ఈ వీడియో రాజకీయంగా మరిన్ని ప్రకంపనలు సృష్టించే అవకాశం ఉంది.