ప్రస్తుతం ప్రపంచవ్యాప్తంగా జెఫ్రీ ఎప్‌స్టీన్ అనే పేరు మారుమోగుతోంది. శక్తివంతులైన నేతలు, ప్రముఖులతో సంబంధాలు కలిగి ఉండి, తన ప్రైవేట్ ద్వీపంలో మహిళలు మరియు చిన్నపిల్లలపై లైంగిక వేధింపులకు పాల్పడిన ఎప్‌స్టీన్ అకృత్యాలు ఒక్కొక్కటిగా బయటపడుతున్నాయి. ఇప్పుడు సరిగ్గా అలాంటి వికృత చేష్టలతో మహారాష్ట్రను వణికించే ఘటన వెలుగులోకి వచ్చింది.
మహారాష్ట్ర ఎప్‌స్టీన్? జ్యోతిష్యుడిగా చెప్పుకునే కెప్టెన్ అశోక్ ఖరాత్ సాగిస్తున్న అత్యంత అసహ్యకరమైన, వికృతమైన పనులు బయటపడ్డాయి. నాసిక్‌లోని కెనడా కార్నర్ ప్రాంతంలో ఉన్న తన ఆఫీసులోకి మహిళలను పిలిపించుకుని, వారిపై లైంగిక వేధింపులకు పాల్పడుతున్నట్లు సమాచారం. దీనికి సంబంధించిన వీడియోలు లభించాయి. అయితే, ఆ వీడియోలలో ఉన్న కంటెంట్ అత్యంత అసభ్యకరంగా, మనసును కలచివేసేలా ఉండటంతో వాటిని ప్రసారం చేయడం లేదు. కానీ, ఈ నేరం ఎంత భయంకరమైనదో ప్రజలకు తెలియజేయడం కోసమే ఈ వివరాలను వెల్లడిస్తున్నాం.
భయం లేదు.. లజ్జ లేదు: నాసిక్ నగరంలోని అత్యంత రద్దీగా ఉండే కెనడా కార్నర్ ప్రాంతంలోని ఆఫీసులో అశోక్ ఖరాత్ ఈ దారుణాలకు ఒడిగట్టేవాడు. భవిష్యత్తు చెబుతానంటూ అమాయక భక్తులను తన ఆఫీసులోకి పిలిపించేవాడు. వారు తమ సమస్యలతో వస్తే, వాటికి పరిష్కారంగా ఖరాత్ చెప్పే మార్గాలు వింటే ఒళ్లు గగుర్పాటుకు గురికాక తప్పదు.
- అత్యంత వికృతం: తన ఆఫీసు వెలుపల వందలాది మంది ప్రజలు వేచి ఉండగా, కేవలం రెండు అడుగుల దూరంలో ఉన్న నల్లటి అద్దాల వెనుక అతను ఈ అకృత్యాలు చేసేవాడు.
- మూత్రం తాగించడం: అశోక్ ఖరాత్ మహిళలకు తన మూత్రాన్ని తాగనిచ్చేవాడనే అత్యంత షాకింగ్ నిజం బయటపడింది. జ్యోతిష్యం పేరుతో పిలిపించుకుని, స్వయంగా మూత్ర విసర్జన చేసి, దానిని మహిళలకు తాగించేవాడని సమాచారం.
ఈ వీడియోలు బయటకు రావడంతో మహారాష్ట్ర వ్యాప్తంగా తీవ్ర ఆగ్రహావేశాలు వ్యక్తమవుతున్నాయి. పోలీసులు ఈ వ్యవహారంపై లోతైన విచారణ జరుపుతున్నారు