“మహిళా ఉద్యోగులను అక్కడి నుంచి వెళ్లిపోమన్నారా..?” ఈఫిల్ టవర్ వివాదంలో ఊహించని మలుపు..! BAPS అలాంటి కోరిక ఏమీ కోరలేదు.. విచారణలో వెలుగులోకి వచ్చిన కొత్త సమాచారం..!!!

ఫ్రాన్స్ రాజధాని పారిస్‌లోని ఈఫిల్ టవర్ వద్ద ఉన్న మహిళా ఉద్యోగులను సందర్శకుల మార్గం నుంచి తొలగించాలని లేదా దాచి ఉంచాలని ఆదేశాలు జారీ చేసినట్లు వెలువడిన వార్తలు వివాదానికి దారితీశాయి.

ఈ వ్యవహారానికి సంబంధించి స్వామినారాయణ్ సంస్థ (BAPS) పై ఆరోపణలు వచ్చాయి. హిందూ మత ప్రతినిధుల బృందం ఈఫిల్ టవర్‌ను సందర్శించినప్పుడు, అక్కడ పనిచేస్తున్న కొందరు మహిళా ఉద్యోగులను తమ విధుల నుంచి వేరే చోటికి మార్చారని వార్తలు వచ్చాయి. దీనిపై విచారణ చేపట్టారు.

తాజాగా విచారణ ఫలితాలు వెలువడగా.. మహిళా ఉద్యోగులను తొలగించాలని గానీ, సందర్శకుల మార్గం నుంచి వారిని దూరంగా ఉంచాలని గానీ స్వామినారాయణ్ సంస్థ తరపున ఎలాంటి డిమాండ్ చేయలేదని తేలింది. మొదటి నుంచి తమ వైఖరి ఇదేనని ఆ సంస్థ స్పష్టం చేసింది. అంతేకాకుండా, ఈ ఘటనపై జరిగిన అధికారిక విచారణలో కూడా మహిళలను తొలగించాలనే డిమాండ్ ఏదీ రాలేదని నిర్ధారణ అయినట్లు వెల్లడించారు.

అదే సమయంలో, ఈ వివాదం తలెత్తడానికి కొన్ని పరిపాలనాపరమైన లోపాలు, సమాచార మార్పిడి (కమ్యూనికేషన్)లో ఏర్పడిన గందరగోళమే కారణమని విచారణలో పేర్కొన్నారు. దీని కారణంగానే కొందరు మహిళా ఉద్యోగులను వారికి కేటాయించిన స్థానాల నుంచి మార్చినట్లు సమాచారం. అయితే, ఈ చర్యలను మహిళా ఉద్యోగులను తొలగించాలన్న నిర్దిష్ట ఆదేశంగా పరిగణించలేమని స్వామినారాయణ్ సంస్థ వివరణ ఇచ్చింది.

ఈ వ్యవహారంపై విడుదల చేసిన ప్రకటనలో.. ఈ ఘటన వల్ల ఇబ్బంది పడిన ఉద్యోగుల పట్ల స్వామినారాయణ్ సంస్థ విచారం వ్యక్తం చేసింది. అధికారిక విచారణ ఫలితాలు అసలు వాస్తవాన్ని స్పష్టం చేస్తాయని ఆశాభావం వ్యక్తం చేసింది. ఈఫిల్ టవర్‌ను సందర్శించినప్పుడు మహిళా ఉద్యోగులను తొలగించాలని లేదా సందర్శకుల మార్గం నుంచి తప్పించాలని తాము ఎలాంటి డిమాండ్ చేయలేదని ఆ సంస్థ మరోసారి ఉద్ఘాటించింది. ఈ మేరకు, ఈ వివాదంలో వచ్చిన ఆరోపణలకు సంబంధించి విచారణ ఫలితాలు కొత్త విషయాలను వెలుగులోకి తెచ్చాయి.