కర్ణాటక రాష్ట్రం గదగ్ జిల్లా ముల్గుండ్ గ్రామానికి చెందిన శివానంద్ అనే రైతు, తన తోటలో మిరప పంటను సాగు చేసి కోతకు సిద్ధంగా ఉంచాడు.
సాధారణంగా దిగుబడి ఎక్కువగా ఉండే తోటలకు ఇతరుల కన్ను (దిష్టి) తగలకుండా ఉండేందుకు దిష్టిబొమ్మలు, పాత చెప్పులు లేదా నల్ల కుండను పెట్టడం ఆనవాయితీ.
అయితే, ఆ ప్రాంతంలో పంటను చూసేవారి దృష్టిని మరల్చడం కోసం కొందరు రైతులు దిష్టిబొమ్మలకు బదులుగా సినిమా నటీమణుల ఫోటోలను వేలాడదీయడం అలవాటుగా చేసుకున్నారు.
అదే తరహాలో శివానంద్ అనే ఈ రైతు, తన మిరప తోటలో ప్రముఖ నటీమణులు రచితా రామ్ మరియు రష్మిక మందన్నల పెద్ద ఫోటోలను కర్రలకు కట్టి వేలాడదీశాడు.
ఆ దారి గుండా వెళ్లేవారు మిరప పంటను చూడకుండా నటీమణుల ఫోటోలను చూసి వెళ్లడం వల్ల తన పంటకు దిష్టి తగలదని అతను చెబుతున్నాడు. ఈ వింత ఐడియా ప్రస్తుతం ప్రజల్లో తీవ్ర చర్చనీయాంశంగా మారింది.
Leave a Reply