మీరు హెయిర్ డై వాడుతున్నారా? కేంద్ర ప్రభుత్వం సంచలన ఆదేశాలు… ఇకపై ‘ఇది’ ఖచ్చితంగా చేయాల్సిందే..!!

లక్షలాది మంది భారతీయులు ప్రతి నెలా తమ తెల్ల జుట్టును దాచుకోవడానికి లేదా తమ లుక్ (రూపాన్ని) మార్చుకోవడానికి హెయిర్ కలరింగ్ ఉత్పత్తులను ఉపయోగిస్తున్నారు.

ఈ రోజుల్లో తెల్ల జుట్టును కవర్ చేయడానికి హెయిర్ డై (Hair Dye) వాడే వారి సంఖ్య ప్రపంచవ్యాప్తంగా, ముఖ్యంగా భారతదేశంలో విపరీతంగా పెరిగింది. సమాజంలో మంచి లుక్‌ను మెయింటైన్ చేయాలనే ఆరాటం, ఉద్యోగ వాతావరణం మరియు చిన్న వయసులోనే జుట్టు పండటం దీనికి ప్రధాన కారణాలు. అంతేకాకుండా, సోషల్ మీడియా ప్రభావం, ప్రొఫెషనల్ కారణాల వల్ల ఎల్లప్పుడూ యంగ్‌గా కనిపించాలనే ఒత్తిడి చాలా మందిపై ఉంటోంది.

మార్కెట్‌లో ప్రపంచవ్యాప్తంగా రకరకాల కలర్స్ అందుబాటులో ఉన్నప్పటికీ, మన వాళ్లకు మాత్రం బ్లాక్ కలర్ డై అంటేనే అత్యంత ఇష్టం. అయితే, ప్రస్తుతం మార్కెట్లో దొరుకుతున్న హెయిర్ డైలలో ఎక్కువ భాగం రకరకాల రసాయనాలతో కూడుకున్నవి. వీటిని వాడటం ద్వారా సైడ్ ఎఫెక్ట్స్ కూడా ఉచితంగానే వస్తున్నాయి.

అమ్మోనియా, హైడ్రోజన్ పెరాక్సైడ్ వంటి రసాయనాలు కలిగిన ఈ డైలను నిరంతరం ఉపయోగించడం వల్ల కొంతమందికి జుట్టు రాలడం, జుట్టు పొడిబారడం (డ్రై నెస్) మరియు చర్మ అలర్జీలు వంటి సైడ్ ఎఫెక్ట్స్ వస్తున్నాయి.

కేంద్ర ప్రభుత్వం కీలక ఉత్తర్వులు
దీనిపై దేశవ్యాప్తంగా పలు ఫిర్యాదులు రావడంతో కేంద్ర ప్రభుత్వం రంగంలోకి దిగింది. హెయిర్ డైలను తయారు చేసే కంపెనీలు, వాటిని దిగుమతి చేసుకునే సంస్థలు (ఇంపోర్టర్స్).. కేంద్ర ప్రభుత్వం నిర్దేశించిన నాణ్యతా ప్రమాణాలను ఖచ్చితంగా పాటించాలని ‘సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్’ (CDSCO) కఠినమైన ఆదేశాలు జారీ చేసింది.

ఈ మేరకు విడుదల చేసిన సర్క్యులర్‌లో.. హెయిర్ డైలలో ఉపయోగించే కొన్ని రసాయనాలు తీవ్రమైన అలర్జీలను, చర్మ మంటను మరియు స్కాల్ప్ (తల చర్మం) దెబ్బతినడానికి కారణమవుతున్నాయని ఫిర్యాదులు వచ్చినట్లు పేర్కొంది. దీన్ని దృష్టిలో ఉంచుకుని, హెయిర్ డై ఉత్పత్తుల మిశ్రమంలో (కూర్పు), తయారీ విధానంలో లేదా నాణ్యతలో ఎలాంటి మార్పులు చేసినా.. వెంటనే సంబంధిత ప్రభుత్వ అధికారులకు తెలియజేసి అనుమతి పొందాలని స్పష్టం చేసింది.

క్యాప్ లేదా బాటిల్‌పై స్పష్టమైన వివరాలు
వినియోగదారుల రక్షణ మరియు అలర్జీ సమస్యలను నివారించే లక్ష్యంతో.. ఉత్పత్తుల లేబుళ్లపై (ప్యాకెట్ లేదా బాటిల్‌పై) తయారీ వివరాలు (వాడిన పదార్థాలు), ఉపయోగించిన రసాయనాల పూర్తి జాబితా, భద్రతా హెచ్చరికలు, ఉపయోగించే విధానం (డైరెక్షన్స్) మరియు తీసుకోవాల్సిన జాగ్రత్తలు వినియోగదారులకు స్పష్టంగా కనిపించేలా ముద్రించాలని ఆదేశించింది.

భారతదేశంలో బ్యూటీ ప్రొడక్ట్స్ (అందం ఉత్పత్తులు) తయారీలో ముందంజలో ఉన్న కంపెనీలు మరియు దిగుమతిదారులు.. తమ ఉత్పత్తులలోని ఇంగ్రిడియంట్స్ వివరాలను, హెచ్చరిక సమాచారాన్ని తెలుగు సహా అన్ని ప్రాంతీయ భాషల్లో స్పష్టంగా ప్రచురించాలి. అన్ని రకాల కాస్మెటిక్స్ ఉత్పత్తులు ‘బ్యూరో ఆఫ్ ఇండియన్ స్టాండర్డ్స్’ (BIS) నిబంధనలకు లోబడి మాత్రమే తయారు కావాలి. హెయిర్ డైలలో అనుమతించబడిన మరియు నిషేధించబడిన రసాయనాలకు సంబంధించిన నిబంధనలను పూర్తిగా పాటించాలని తయారీదారులకు ప్రభుత్వం గట్టి హెచ్చరికలు జారీ చేసింది. నిబంధనలను ఉల్లంఘిస్తే కఠిన చర్యలు ఉంటాయని హెచ్చరించింది.

CDSCO విధించిన ముఖ్యమైన మార్గదర్శకాలు:
ఉపయోగించే రసాయనాల వివరాలు, సైడ్ ఎఫెక్ట్స్ మరియు హెయిర్ డై వాడటం వల్ల వచ్చే అలర్జీల గురించిన హెచ్చరికలను లేబుల్‌పై ఖచ్చితంగా ముద్రించాలి.

వినియోగదారులు సులభంగా అర్థం చేసుకునేలా హెచ్చరికల సమాచారం రాష్ట్ర అధికారిక భాషల్లో (ప్రాంతీయ భాషల్లో) కూడా ఉండాలి.

ప్రొడక్ట్‌ను ఉపయోగించే ముందు అలర్జీ పరీక్ష (Patch-test) చేసుకోవడానికి సంబంధించిన మార్గదర్శకాలను స్పష్టంగా పేర్కొనాలి.

తెల్ల జుట్టును దాచుకోవాలనుకునే యువకులు, వృద్ధులు ఇరు వర్గాల నుండి డిమాండ్ భారీగా పెరగడం వల్లే ఈ రకమైన హెయిర్ డై ఉత్పత్తుల మార్కెట్ దేశంలో ఇంత వేగంగా విస్తరిస్తోంది.