అట్లాంటా: ఫిఫా ప్రపంచకప్ ఫైనల్ మ్యాచ్కి అర్జెంటీనా జట్టు చేరడానికి ఫిఫా సహాయపడిందని ప్రచారంలోకి వచ్చిన ఒక ఫోటోను పోర్చుగల్ స్టార్ ప్లేయర్ క్రిస్టియానో రొనాల్డో లైక్ చేశాడు.
దీంతో ఇన్స్టాగ్రామ్లో మెస్సీ, రొనాల్డో అభిమానుల మధ్య ఘర్షణ మొదలైంది.
ఫిఫా ప్రపంచకప్ ఫైనల్ మ్యాచ్లో అర్జెంటీనా జట్టు 1-0 గోల్ తేడాతో స్పెయిన్ జట్టు చేతిలో ఓటమి పాలైంది. 2022 ఫిఫా ప్రపంచకప్ టోర్నీ సమయంలో అర్జెంటీనా జట్టుకు భారీ మద్దతు ఉండేది. కానీ ఈ ప్రపంచకప్ టోర్నీలో అర్జెంటీనా జట్టుకు మద్దతు పెరిగినప్పటికీ, దానికి సమానంగా ద్వేషం కూడా ఎక్కువగానె ఉంది.
దీనికి అర్జెంటీనా జట్టుకు అనుకూలంగా అంపైర్లు తీసుకున్న కొన్ని నిర్ణయాలు, ఫిఫా యాజమాన్యం తీసుకున్న నిర్ణయాలే కారణమని భావిస్తున్నారు. రౌండ్ ఆఫ్ 32 మ్యాచ్లో కేప్ వర్డే, రౌండ్ ఆఫ్ 16 లో ఈజిప్ట్, క్వార్టర్ ఫైనల్స్లో స్విట్జర్లాండ్, సెమీఫైనల్స్లో ఇంగ్లాండ్ ఇలా అన్ని జట్లు అర్జెంటీనాపై రకరకాల ఆరోపణలు చేశాయి.
ఈ ఆరోపణలు అభిమానుల్లో కూడా బాగా ప్రభావం చూపాయి. ఈ పరిస్థితుల్లో అర్జెంటీనా జట్టు ఫైనల్కు చేరుకోవడానికి ముఖ్య కారణం ఫిఫా అని ఒక జర్నలిస్ట్ మాట్లాడిన వీడియోను పోర్చుగల్ జట్టు దిగ్గజ ఆటగాడు క్రిస్టియానో రొనాల్డో ఇన్స్టాగ్రామ్లో లైక్ చేశాడు. దీనికి సంబంధించిన స్క్రీన్షాట్ సోషల్ మీడియాలో ట్రెండ్ అవుతోంది.
ఆ వీడియోలో ఒక జర్నలిస్ట్, 5 మ్యాచ్ల ముందే ఫిఫా ప్రపంచకప్ ఫుట్బాల్ టోర్నీ నుండి అర్జెంటీనా జట్టు వైదొలగాల్సి ఉండింది. ఈ ప్రపంచంలోనే అత్యంత అవినీతిమయమైన సంస్థ ఏదైనా ఉందంటే అది ఫిఫా మాత్రమే అని విమర్శించారు. దీనిని రొనాల్డో లైక్ చేయడం మెస్సీపై ఉన్న పగతోనే అని అభిమానులు ఆగ్రహం వ్యక్తం చేస్తున్నారు.
ఇప్పటికే రొనాల్డో, మెస్సీ అభిమానుల మధ్య ఘర్షణ తీవ్రస్థాయిలో ఉంది. అది ప్రపంచకప్ టోర్నీ సమయంలోనే తదుపరి స్థాయికి చేరుకుంది. ప్రస్తుతం మెస్సీపై, అర్జెంటీనా జట్టుపై నిందలు వేసే వీడియోను రొనాల్డో లైక్ చేయడం మళ్లీ చర్చనీయాంశమైంది.