ఉత్తరాఖండ్ రాష్ట్రంలోని డెహ్రాడూన్లో రాపిడో బైక్ టాక్సీలో ప్రయాణించిన ఒక యువతికి షాకింగ్ అనుభవం ఎదురైంది.
యాప్ చూపించిన అధికారిక మ్యాప్ మార్గాన్ని కాదని, వేరే మార్గంలో వెళ్లాలని డ్రైవర్ చెప్పగా యువతి నిరాకరించడంతో, ప్రయాణాన్ని మధ్యలోనే ముగించాల్సిందిగా డ్రైవర్ ఒత్తిడి చేసినట్లు తెలుస్తోంది.
భద్రతా భయాల కారణంగా డ్రైవర్ చెప్పిన మార్గంలో వెళ్లడానికి నిరాకరించిన ఆ యువతితో, “నా బండి, నా ఇష్టం” అని డ్రైవర్ వాగ్వాదానికి దిగాడు. అంతేకాకుండా, మ్యాప్లో లేని మార్గంలో రావడం కుదరదని కచ్చితంగా చెప్పిన యువతిని, సగం దారిలోనే దింపేసి వెళ్ళిపోయాడు. ఈ దిగ్భ్రాంతికర సంఘటనను ఆ యువతి తన మొబైల్లో వీడియోగా రికార్డ్ చేసింది.
తాను ఎదుర్కొన్న ఈ చేదు అనుభవాన్ని ఆ యువతి ఇన్స్టాగ్రామ్ పేజీలో వీడియోగా పంచుకోగా, అది సోషల్ మీడియాలో విపరీతంగా వ్యాపిస్తోంది. ఈ వీడియో చూసిన నెటిజన్లు చాలామంది రాపిడో డ్రైవర్ బాధ్యతారాహిత్యమైన చర్యను తీవ్రంగా ఖండిస్తున్నారు. అంతేకాక, చాలామంది వినియోగదారులు తమకు కూడా ఇలాంటి ప్రమాదకరమైన అనుభవాలు ఎదురయ్యాయని కామెంట్లు పెడుతున్నారు.
ఈ సంఘటన ఇంటర్నెట్లో తీవ్ర సంచలనం సృష్టించిన నేపథ్యంలో, రాపిడో సంస్థ అధికారికంగా స్పందించింది. “కస్టమర్ ఎదుర్కొన్న ఈ అనుభవం ఎంతమాత్రం ఆమోదయోగ్యం కానిది” అని పేర్కొన్న ఆ సంస్థ, యువతి నుండి ప్రయాణ వివరాలను అడిగి తెలుసుకున్నామని, దీనిపై తీవ్రమైన విచారణ జరిపి తగిన చర్యలు తీసుకుంటామని హామీ ఇచ్చింది.