రాఘవ్ చద్దా పార్లమెంటులో చేసిన ఆ డిమాండ్‌తో ఎంపీలందరూ షాక్! ‘రైట్ టు రీకాల్’ వస్తే ఏం జరుగుతుంది?

ఆమ్ ఆద్మీ పార్టీ రాజ్యసభ ఎంపీ రాఘవ్ చద్దా బుధవారం సభలో ‘రైట్ టు రీకాల్’ (RTR) అంశాన్ని లేవనెత్తారు. ఇది ఓటర్లు తాము ఎన్నుకున్న ప్రజాప్రతినిధి పనితీరు బాలేకపోతే, పదవీకాలం ముగియకముందే వారిని తిరిగి వెనక్కి పిలిపించే (పదవి నుండి తొలగించే) హక్కును కల్పించే వ్యవస్థ.

రాఘవ్ చద్దా వాదన:

ఎవరైనా ఎంపీ లేదా ఎమ్మెల్యే తన పనితీరుతో ఓటర్లను మెప్పించలేకపోతే, వారిని తొలగించే అధికారం ప్రజలకు ఉండాలని చద్దా వాదించారు. ప్రపంచవ్యాప్తంగా 24 దేశాలలో ఈ విధానం ఉందని ఆయన పేర్కొన్నారు. భారతదేశంలోని రాజస్థాన్, కర్ణాటక వంటి కొన్ని రాష్ట్రాల్లో పంచాయతీ స్థాయిలో ఇప్పటికే ఈ వ్యవస్థ అమల్లో ఉందని ఆయన గుర్తుచేశారు.

రైట్ టు రీకాల్ వస్తే ఏమవుతుంది?

రాఘవ్ చద్దా ప్రకారం, ఈ విధానం ఓటర్లకు ఒక ‘ఇన్సూరెన్స్’ లాగా పనిచేస్తుంది. ఎన్నికల్లో గెలిచిన తర్వాత ప్రజాప్రతినిధులు ప్రజలను మరిచిపోయినా లేదా నియోజకవర్గాన్ని నిర్లక్ష్యం చేసినా.. ఓటర్లు తమ తీర్పును రద్దు చేసుకునే భద్రత వారికి లభిస్తుంది. అయితే, సభలోని మెజారిటీ సభ్యులు ఆయన వాదనలతో ఏకీభవించలేదు.

RTR ఎందుకు ఉండాలి?

రాజ్యాంగం ప్రకారం రాష్ట్రపతి, ఉపరాష్ట్రపతి వంటి అత్యున్నత పదవుల్లో ఉన్నవారిని తొలగించే నిబంధనలు ఉన్నప్పుడు, సామాన్య ప్రజలు ఎన్నుకున్న ప్రతినిధులను తొలగించే హక్కు ఎందుకు ఉండకూడదని ఆయన ప్రశ్నించారు. ఒక నియోజకవర్గంలోని మొత్తం ఓటర్లలో 50 శాతం మంది డిమాండ్ చేస్తేనే ఈ ‘రైట్ టు రీకాల్’ను అమలు చేయాలని ఆయన ప్రతిపాదించారు.

రైట్ టు రీకాల్ (RTR) అమలులో ఉన్న కొన్ని ప్రధాన దేశాలు

ప్రపంచవ్యాప్తంగా ఈ విధానం విభిన్న స్థాయిలలో అమల్లో ఉంది. కొన్ని దేశాల వివరాలు ఇక్కడ చూడవచ్చు: