రూ. 40 లక్షల డబ్బుపై అంత మోజు. తాళి కట్టిన పెళ్లాంపై కొంచెం కూడా ప్రేమ లేదా.? భర్త కళ్లను కప్పివేసిన ధనాశ.. ప్రమాద నాటకమాడి హత్య. దొరికిపోయింది ఎలా..?

ఉత్తరప్రదేశ్‌లోని హమీర్‌పూర్‌లో, ప్రేమించి పెళ్లి చేసుకున్న భార్యనే ఇన్సూరెన్స్ డబ్బుల కోసం దారుణంగా హత్య చేసిన సంఘటన తీవ్ర దిగ్భ్రాంతిని కలిగించింది.

పెళ్లయి రెండేళ్లే అయిన నేపథ్యంలో, 40 లక్షల రూపాయల ఇన్సూరెన్స్ సొమ్మును పొందాలనే దురాశ భర్తను అమానుష చర్యకు పూనుకునేలా చేసిందని పోలీసు విచారణలో తేలింది. ఈ సంఘటన ఆ ప్రాంత ప్రజల్లో తీవ్ర కలకలం రేపింది.

పోలీసులు తెలిపిన వివరాల ప్రకారం, అమర్ సింగ్ అనే వ్యక్తి తన భార్య రీతాను ముందుగానే వేసుకున్న పథకం ప్రకారం, తన ముగ్గురు స్నేహితుల సహాయంతో హత్య చేసినట్లు సమాచారం. హత్య తర్వాత అది ప్రమాదంలో చనిపోయినట్లు చూపించడానికి, రీతా మృతదేహంపై కారును ఎక్కించి ఆధారాలను చెరిపివేసేందుకు యత్నించారు. దీని ద్వారా ఈ సంఘటనను సాధారణ రోడ్డు ప్రమాదంగా మార్చాలని ప్లాన్ చేసినట్లు విచారణలో తేలింది.

ప్రారంభంలో ఇది ప్రమాదంగా భావించి విచారణ ప్రారంభించిన పోలీసులకు, సంఘటనా స్థలంలో లభించిన కొన్ని ఆధారాలు, నిందితుల ప్రవర్తన అనుమానాన్ని కలిగించాయి. ఆ తర్వాత జరిపిన విచారణలో మరియు విడివిడిగా జరిపిన ప్రశ్నావళిలో, అమర్ సింగ్ ఇచ్చిన వాంగ్మూలంలో వైరుధ్యాలు బయటపడ్డాయి. దీంతో పోలీసులు జరిపిన గట్టి విచారణలో హత్య కుట్ర పూర్తిగా వెలుగులోకి వచ్చింది.

ఈ కేసులో అమర్ సింగ్‌తో సహా నలుగురిని పోలీసులు అరెస్టు చేసి కోర్టులో హాజరుపరిచిన అనంతరం జైలుకు తరలించారు. ఇన్సూరెన్స్ సొమ్ము కోసం భార్య ప్రాణాలనే తీసి, దాన్ని ప్రమాదంగా చిత్రీకరించేందుకు యత్నించిన ఈ సంఘటన పలువురిని తీవ్ర దిగ్భ్రాంతికి గురిచేసింది. కేసు సంబంధించి పోలీసులు తదుపరి విచారణ కొనసాగిస్తున్నారు.