సూపర్ స్టార్ రజినీకాంత్ సరళత, ఆధ్యాత్మిక భక్తి గురించి అందరికీ తెలిసిందే. ఈ క్రమంలో, ఆయన తన గురువైన మహావతార్ బాబాజీ దర్శనం కోసం హిమాలయ ప్రాంతాల్లో ఎంతో సాధారణంగా పర్యటిస్తున్న ఒక ఫోటో సోషల్ మీడియాలో బయటకు వచ్చి, నెటిజన్ల హృదయాలను గెలుచుకుంటోంది.
రూ. 500 కోట్లకు పైగా ఆస్తులు ఉన్న సూపర్ స్టార్… సాధారణ షర్ట్, పంచె ధరించి, కాళ్లకు కేవలం రూ. 500 విలువ చేసే సాదాసీదా చెప్పులు వేసుకుని కొండ దారిలో నడుచుకుంటూ వెళ్తున్న దృశ్యం అభిమానులను మైమరిపిస్తోంది.
కొన్ని చోట్ల చెప్పులు కూడా తీసివేసి, వట్టి కాళ్లతోనే తన గురువు వైపు భక్తి పారవశ్యంతో నడుచుకుంటూ వెళ్తున్న ఫోటోలు వైరల్ అవుతున్నాయి. వెండితెరపై అపారమైన శక్తి ఉన్న సూపర్ స్టార్‌గా అలరించినా, నిజ జీవితంలో తన ఆధ్యాత్మిక మూలాలను మరచిపోకుండా ఇంత సరళంగా, అణకువగా ఉన్న రజినీకాంత్ తీరును చూసిన నెటిజన్లు… “ఇది కదా అసలైన సూపర్ స్టార్ గుర్తింపు!” అంటూ సోషల్ మీడియాలో లైక్లు, కామెంట్ల వర్షం కురిపిస్తున్నారు.