మే 25 నుంచి జూన్ 2 వరకు ‘రోహిణి కార్తె’ కాలం కొనసాగనుంది. ఈ తొమ్మిది రోజులు ఎండలు అత్యంత తీవ్రంగా ఉంటాయి, కొన్ని ప్రాంతాల్లో ఉష్ణోగ్రతలు 50°C నుంచి 55°C వరకు చేరుకోవచ్చు. ఈ సమయంలో వడదెబ్బ, డీహైడ్రేషన్ వంటి సమస్యలు వచ్చే అవకాశం ఉంది. కాబట్టి, ఆహారపు అలవాట్ల విషయంలో ప్రత్యేక జాగ్రత్తలు అవసరం.
తప్పక మానుకోవాల్సిన ఆహారాలు (వేడి చేసేవి):
- నూనె, కారంతో కూడిన ఆహారం: మసాలాలు, కారం ఎక్కువగా ఉండే ఆహారం జీర్ణక్రియను మందగింపజేస్తుంది. ఇది శరీరంలో వేడిని పెంచి, చెమటలు పట్టేలా చేస్తుంది. బయట దొరికే సమోసాలు, పకోడీలు, ఫాస్ట్ ఫుడ్స్ వంటి వేయించిన పదార్థాలకు దూరంగా ఉండాలి.
- టీ, కాఫీ: వీటిలో ఉండే కెఫీన్ శరీరంలో నీటి శాతాన్ని తగ్గిస్తుంది. దీనివల్ల డీహైడ్రేషన్ సమస్య పెరుగుతుంది.
- రెడ్ మీట్: మాంసం, హై ప్రోటీన్ ఆహారాలు త్వరగా అరగవు, దీనివల్ల శరీర ఉష్ణోగ్రత పెరుగుతుంది.
- శీతల పానీయాలు: ఫ్రిజ్లో ఉండే హై షుగర్ డ్రింక్స్, కూల్ డ్రింక్స్ తాగడం వల్ల తాత్కాలిక ఉపశమనం కలిగినా, అవి డీహైడ్రేషన్ పెంచుతాయి.
- డ్రై ఫ్రూట్స్: బాదం, జీడిపప్పు, వాల్నట్స్ వంటివి వేడి చేస్తాయి. వీటిని ఈ తొమ్మిది రోజులు పరిమితంగానే తీసుకోవాలి.
- మద్యం & ధూమపానం: ఇవి శరీరంలోని నీటిని తగ్గిస్తాయి, వడదెబ్బ (Heat Stroke) ముప్పును పెంచుతాయి.
అంతేకాకుండా..
- పండ్లు: మామిడి పండు వేడి చేస్తుంది, కాబట్టి రోజుకు ఒకటి లేదా రెండు మించకుండా తినాలి. అలాగే లీచి, పనస పండు వంటివి వేడిని పెంచుతాయి. లీచిని ఖాళీ కడుపుతో అస్సలు తినకూడదు.
- కూరగాయలు: వంకాయ వేడి చేస్తుంది, కాబట్టి నౌతపా రోజుల్లో దీనిని తగ్గించాలి. అలాగే వెల్లుల్లి, అల్లం, పచ్చిమిర్చి వినియోగం కూడా తక్కువగా ఉండాలి.
రోహిణి కార్తె లో ఏం తినాలి? (చలువ చేసేవి) శరీరానికి చలువ చేసే, నీటి శాతం ఎక్కువగా ఉండే పదార్థాలను తీసుకోవాలి.
- కీరదోస, పుచ్చకాయ, సొరకాయ, పొట్లకాయ, దోసకాయ.
- కొబ్బరి నీళ్లు, మజ్జిగ, లస్సీ, నిమ్మరసం, చెరకు రసం.
- పెరుగు, ఆకుకూరలు మరియు తాజా పండ్లు.