వయసు కేవలం 16 ఏళ్లే.! గర్భిణి అని కూడా చూడకుండా కామాంధుల ఘాతుకం.. సామూహిక అత్యాచారంతో పురిటి నొప్పులు. అక్కడే పుట్టి మరణించిన పసికందు. భయంకరం..!

రాజస్థాన్ రాష్ట్రం దౌసా జిల్లాలో 16 ఏళ్ల గర్భిణీ బాలికపై ఓ గుర్తుతెలియని ముఠా సామూహిక అత్యాచారానికి పాల్పడింది.

ఢిల్లీ – ముంబై ఎక్స్‌ప్రెస్‌వే సమీపంలోని నిర్మానుష్య ప్రాంతంలో ఈ దారుణ ఘటన చోటుచేసుకుంది. ఘటన జరిగిన రోజున ఆ బాలికను ఓ ముఠా అపహరించి ఈ అకృత్యానికి పాల్పడింది.

ఈ దాడి తాలూకు షాక్, వేదనలో ఆ బాలికకు అక్కడే అకస్మాత్తుగా పురిటి నొప్పులు వచ్చి బిడ్డకు జన్మనిచ్చింది. ఆ తర్వాత బాలిక తన బిడ్డతో కలిసి ఆసుపత్రికి వెళ్లింది. అక్కడ నవజాత శిశువును పరీక్షించిన వైద్యులు, బిడ్డ అప్పటికే మృతి చెందినట్లు తెలిపారు. ఆసుపత్రి ద్వారా సమాచారం అందుకున్న పోలీసులు వెంటనే కేసు నమోదు చేసి దర్యాప్తు ప్రారంభించారు.

ప్రాథమిక విచారణలో, బాధితురాలి వాంగ్మూలానికి విరుద్ధంగా ఎలాంటి ఆధారాలు లభించలేదని, ఒక మగ స్నేహితుడు ఆమెను ఇంటి నుంచి ద్విచక్ర వాహనంపై ఆసుపత్రికి తీసుకెళ్లినట్లు తెలిసిందని సూపరింటెండెంట్ ఆఫ్ పోలీస్ కుందన్ కన్వారియా తెలిపారు. అలాగే, ఈ ఫిర్యాదులో పేరు పేర్కొన్న ఓ అనుమానితుడిని ఇప్పటికే అరెస్టు చేసి విచారిస్తున్నట్లు ఆయన చెప్పారు.

కేసు తీవ్రతను దృష్టిలో ఉంచుకుని బాధితురాలి వాంగ్మూలాన్ని నమోదు చేయడంతో పాటు, ఈ కేసును మరింత లోతుగా విచారించేందుకు ఓ డిప్యూటీ సూపరింటెండెంట్ ఆఫ్ పోలీస్‌ను ప్రత్యేకంగా నియమించారు. రాజస్థాన్‌లో గర్భిణీ బాలికకు జరిగిన ఈ దారుణ ఘటన దేశవ్యాప్తంగా తీవ్ర దిగ్భ్రాంతిని, ఆగ్రహాన్ని రేకెత్తించింది.