వీడికి ఆస్కారే ఇవ్వొచ్చు గురూ..! నెక్స్ట్ లెవల్ గర్బా డ్యాన్స్.. ఒళ్లంతా సబ్బు నురగ, ఒంటిపై కేవలం టవల్, బ్రష్ చేసుకుంటూ ఊర మాస్ స్టెప్పులు.. కడుపుబ్బా నవ్వించే వైరల్ వీడియో..!

నవరాత్రి అంటేనే దేశవ్యాప్తంగా అంబరాన్నంటే గర్బా, దాండియా నృత్యోత్సవాల సందడి గుర్తుకొస్తుంది. ప్రజలు సరికొత్త సంప్రదాయ దుస్తులు ధరించి, ముస్తాబై ఎంతో ఉల్లాసంగా గర్బా నృత్యం చేయడం ఆనవాయితీ.

ఈ సంప్రదాయ నృత్యంలో నేటి యువత రకరకాల సరికొత్త స్టెప్పులతో, విచిత్రమైన కాస్ట్యూమ్స్‌తో సందడి చేస్తున్నారు.

కొందరు సినీ పాత్రల గెటప్పుల్లో వచ్చి అదరగొడుతుంటారు. ఊహకందని ఎన్నో విభిన్న వేషధారణలతో జనాలు గర్బా ఆడటం మనం చూస్తూనే ఉంటాం. అయితే, ప్రస్తుతం సోషల్ మీడియాలో విపరీతంగా వైరల్ అవుతున్న ఓ యువకుడి అవతారం ఇప్పటివరకు చూసిన అన్ని గెటప్పులను తలదన్నేలా ఉంది. ఆ యువకుడు మరే ఇతర దుస్తులూ ధరించకుండా, ఏకంగా బాత్‌రూమ్‌నే గర్బా మైదానానికి మోసుకొచ్చినట్లుగా కనిపించాడు!

ఇన్‌స్టాగ్రామ్‌లో పోస్ట్ చేసిన ఈ వైరల్ వీడియో నెటిజన్ల దృష్టిని విశేషంగా ఆకర్షిస్తోంది. ఆ వీడియోలో, ఓ యువకుడు మొలకు కేవలం ఒక టవల్ మాత్రమే చుట్టుకుని, ఒళ్లంతా సబ్బు నురగతో ఆ మైదానం మధ్యలో నిలబడి ఉన్నాడు. చూస్తుంటే.. అతడు మధ్యలోనే స్నానం ఆపేసి హడావుడిగా గర్బా ఆడటానికి పరుగెత్తుకొచ్చినట్లుగా ఆ గెటప్ ఉంది.

అంతటితో ఆగకుండా, గర్బా ఆడుతూనే ఉన్నట్టుండి బ్రష్‌తో పళ్లు తోముకుంటూ ఫోజులిచ్చాడు. చుట్టూ ఉన్నవారంతా అతడిని చూసి పగలబడి నవ్వుతున్నప్పటికీ.. ఆ కుర్రాడు దేన్నీ పట్టించుకోకుండా మరింత ఉత్సాహంతో ఊర మాస్ స్టెప్పులతో రచ్చలేపాడు. జనం హేళన చేసినా ఏమాత్రం తగ్గకుండా అతడు చూపించిన విపరీతమైన ఆత్మవిశ్వాసం అందరినీ ఆశ్చర్యపరిచింది.

ఈ ఫన్నీ వీడియో ఇప్పటికే వేలాది వ్యూస్‌ను దాటేయడంతో పాటు వందలాది కామెంట్లను కొల్లగొడుతోంది. ప్రతీ ఏటా నవరాత్రి ఉత్సవాల వేళ ఇలాంటి ఎన్నో సరదా, వింత వీడియోలు బయటకు రావడం సహజమే. కానీ ఈసారి ఈ ‘సబ్బు బాబు’ తన వెరైటీ కాన్సెప్ట్‌తో అందరి దృష్టినీ ఆకర్షించి సోషల్ మీడియాలో హాట్ టాపిక్‌గా మారాడు. ఈ సరదా వీడియోను చూసిన ఎవరైనా ఒక్క క్షణం పగలబడి నవ్వకుండా ఉండలేరు