సోషల్ మీడియాలో తరచుగా ప్రజలను అప్రమత్తం చేసే, ఆశ్చర్యపరిచే వీడియోలు వస్తుంటాయి. ముఖ్యంగా బస్సులు, రైళ్లు, మార్కెట్ వంటి రద్దీ ప్రాంతాల్లో జేబుదొంగల మాయాజాలం గురించి మనం వినే ఉంటాం. కానీ ప్రస్తుతం ఇంటర్నెట్‌లో వైరల్ అవుతున్న ఒక వీడియో చూస్తే ఎవరైనా నివ్వెరపోవాల్సిందే.
నడుస్తున్న బస్సులో జేబు దొంగతనం వీడియోలో ఒక వృద్ధుడు బస్సు సీటులో కూర్చుని ఉండగా, అతని పక్కనే ఒక యువకుడు నిలబడి ఉన్నాడు. మొదటి చూపులో అంతా మామూలుగానే అనిపిస్తుంది. కానీ కొన్ని సెకన్ల తర్వాత ఆ యువకుడు తన బ్యాగును అడ్డుగా పెట్టుకుని, ఎవరికీ కనిపించకుండా చాలా చాకచక్యంగా వృద్ధుడి పై జేబులోకి చేతిని పోనిస్తాడు. పక్కన ఉన్నవారికి అనుమానం రాకుండా బ్యాగు వెనుక నుండి తన పని కానిచ్చేయాలని ప్రయత్నిస్తాడు.
రెడ్ హ్యాండెడ్ గా పట్టుకున్న వృద్ధుడు ఆ యువకుడు చాలా తెలివిగా డబ్బులు తీయడానికి ప్రయత్నిస్తున్న సమయంలో, ఆ వృద్ధుడికి ఏదో తేడాగా అనిపిస్తుంది. ఎవరో తన జేబులో చేయి పెడుతున్నారని గ్రహించిన ఆయన, వెంటనే అప్రమత్తమై ఆ దొంగ చేతిని గట్టిగా పట్టుకుంటారు. దీంతో బస్సులో ఒక్కసారిగా కలకలం రేగుతుంది.
రక్షించుకోవడానికి నోటి నుండి బ్లేడు తీసి.. ప్రజలు ఆ జేబుదొంగను పట్టుకుని చితకబాదడం ప్రారంభించగానే, అతను అకస్మాత్తుగా తన నోటి నుండి ఒక బ్లేడును బయటకు తీశాడు. అది చూసిన ప్రయాణికులు ఒక్కసారిగా షాక్‌కు గురయ్యారు. సాధారణంగా జేబుదొంగలు జేబులు కత్తిరించడానికి బ్లేడ్లను వాడుతుంటారు, కానీ దాన్ని నోటిలో దాచుకోవడం చూసి అందరూ భయాందోళనకు గురయ్యారు. అయితే ఆ వృద్ధుడు మాత్రం సంయమనం పాటించి, తన డబ్బులు భద్రంగా ఉన్నాయని సరిపెట్టుకున్నారు.
చర్యలు తీసుకోవాలని నెటిజన్ల డిమాండ్ @gharkekalesh అనే ఎక్స్ (ట్విట్టర్) ఖాతా ద్వారా షేర్ అయిన ఈ వీడియోను లక్షలాది మంది వీక్షించారు. “వీడిని అసలు దొంగతనం చేయలేనంతగా కొట్టాలి”, “చాచా (వృద్ధుడు) చాలా తెలివిగా వ్యవహరించారు” అంటూ నెటిజన్లు కామెంట్స్ చేస్తున్నారు. పోలీసులు ఇలాంటి వారిపై కఠిన చర్యలు తీసుకోవాలని డిమాండ్ చేస్తున్నారు.