భోజ్‌పురి సూపర్ స్టార్ ఖేసారీ లాల్ యాదవ్ తరచుగా వార్తల్లో నిలుస్తుంటారు. అయితే ఈసారి ఆయన భార్య చందా దేవి చేసినట్లుగా చెబుతున్న కొన్ని వ్యాఖ్యలు సోషల్ మీడియాలో తీవ్ర దుమారం రేపుతున్నాయి. తన మామగారి గురించి ఆమె షాకింగ్ విషయాలు వెల్లడించినట్లు ఒక వీడియో వైరల్ అవుతోంది.
ఖేసారీ లాల్ యాదవ్ నేపథ్యం
ఖేసారీ లాల్ యాదవ్ అసలు పేరు శత్రుఘ్న కుమార్ యాదవ్. ఈయన ప్రముఖ భోజ్‌పురి గాయకుడు, నటుడు మరియు నర్తకుడు. మార్చి 15, 1986న బీహార్‌లోని చాప్రాలో జన్మించారు. అత్యంత పేదరికం నుండి వచ్చిన ఆయన, ఒకప్పుడు ఢిల్లీలో లిట్టీ-చోఖా అమ్ముకుని జీవనం సాగించారు. 2011లో సూపర్ స్టార్‌గా ఎదిగారు. ఖేసారీ లాల్ 2006లో చందా దేవిని వివాహం చేసుకున్నారు, వారికి ఇద్దరు పిల్లలు ఉన్నారు. ఇతర స్టార్ భార్యలలా కాకుండా, ఆమె చాలా సాదాసీదాగా జీవించడానికి ఇష్టపడతారు.
వైరల్ అవుతున్న వీడియో సారాంశం
బీహార్ అసెంబ్లీ ఎన్నికల్లో చందా దేవి పోటీ చేయబోతున్నారనే వార్తలు వచ్చినప్పటి నుండి ఆమె మరింతగా వార్తల్లో నిలుస్తున్నారు. ఈ క్రమంలోనే ఒక వీడియో సోషల్ మీడియాలో వైరల్ అవుతోంది. ఆ వీడియో ప్రకారం..
“నా పిల్లలు నా భర్త పిల్లలు కాదు, నా మామగారి పిల్లలు. నా భర్తను వదిలేసి తనతోనే ఉండమని మా మామగారు చెప్పారు, నేను అందుకు సిద్ధంగా ఉన్నాను” అని ఆమె అన్నట్లుగా ప్రచారం జరుగుతోంది.
చందా యాదవ్ సోషల్ మీడియాలో కూడా యాక్టివ్‌గా ఉంటారు. ఇన్‌స్టాగ్రామ్‌లో ఆమెకు 2.73 లక్షల మంది ఫాలోవర్లు ఉన్నారు. ఆమె తరచుగా తన భర్త, పిల్లలతో కలిసి దిగిన ఫోటోలను పంచుకుంటూ ఉంటారు.