వెనక్కి వెళ్లడానికి దారి లేదు.. ఇక్కడ బతకడానికీ దిక్కు లేదు..! నడిరోడ్డుపై యువతి కన్నీటి రోదన.. వైరల్ అవుతున్న వీడియో!

ఛతర్‌పూర్‌కు చెందిన ఒక యువతి, ఘజియాబాద్‌కు చెందిన ఓ యువకుడిని ప్రేమించి ఇంటి నుంచి పారిపోయి పెళ్లి చేసుకుంది.

పెళ్లయిన కొత్తలో సోషల్ మీడియాలో సినిమా డైలాగులు చెబుతూ, తన భర్త కోపం, ధైర్యసాహసాల గురించి గొప్పగా డబ్బాలు కొట్టుకోవడమే కాకుండా, తన కన్నవారిని బెదిరించే విధంగా ఎన్నో రీల్స్, వీడియోలు పోస్ట్ చేసింది. కానీ, సినిమాలను తలపించే ఆ ఆడంబర ప్రేమాయణం వెనుక ఉన్న అసలు రంగు కొద్దిరోజులకే బయటపడి ఆమెకు చేదు అనుభవాన్ని మిగిల్చింది.

ప్రస్తుతం తీవ్ర పేదరికంలో కూరుకుపోయిన ఆ యువతి.. ఇంట్లో వండుకోవడానికి తిండిగింజలు, వంట గ్యాస్ సిలిండర్ కూడా లేక ఎన్నో రోజులుగా పస్తులుంటున్నానని కన్నీరుమున్నీరవుతోంది. భర్త ఆర్థిక పరిస్థితి ఏంటో తెలుసుకోకుండా తొందరపడి రావడంతో, కట్టుకోవడానికి సరైన బట్టలు కూడా లేక శిథిలావస్థలో ఉన్న ఇంట్లో బిక్కుబిక్కుమంటూ బతకాల్సిన దుస్థితి ఏర్పడింది. ఇంటి నుంచి పారిపోయి వచ్చినందున కన్నవారి వద్దకు తిరిగి వెళ్లలేక నడిరోడ్డున దిక్కుతోచని స్థితిలో పడిపోయింది. తల్లిదండ్రులను కాదని, వారి మనసును గాయపరిచి చేసే గుడ్డి ప్రేమ చివరకు ఎలాంటి తీవ్ర విషాదంలో ముగుస్తుందో చెప్పడానికి ఆమె జీవితమే ఒక గుణపాఠంగా నిలిచింది.