ఈజిప్టు: ఈజిప్టు పర్యటనకు వెళ్లిన ఒక పర్యాటకుడు పాము కాటుకు గురై మరణించిన ఘటన సోషల్ మీడియాలో చర్చనీయాంశమైంది. అసలు ఏం జరిగిందో వివరాల్లోకి వెళ్దాం..
వివరాలు: ఈజిప్టుకు వెళ్లిన ఒక జర్మనీ పర్యాటకుడు ఊహించని విధంగా మరణించాడు. ఆ వ్యక్తి ఒక రిసార్ట్లో పాము విన్యాసాలు (Snake Show) చూస్తున్నాడు. అతని టూర్ ప్యాకేజీలో భాగంగా ఈ స్నేక్ షో ఏర్పాటు చేయబడింది. విన్యాసాలు చేస్తున్న సమయంలో పాముల మాంత్రికుడు (Snake Charmer) పామును పర్యాటకుల దగ్గరకు తీసుకువెళ్లాడు. ఆ సమయంలో అనూహ్యంగా ఆ పాము పర్యాటకుని ప్యాంట్లోకి దూరింది. వెంటనే ఆ కోబ్రా అతన్ని కాటు వేసింది.
మీడియా నివేదికల ప్రకారం, జర్మనీకి చెందిన ఆ పర్యాటకుడు షో చూస్తుండగా, విషపూరితమైన కోబ్రా అతని ప్యాంట్లోకి దూరి కాలిపై కరిచింది. ఈ వింత మరియు భయంకరమైన ఘటన ఏప్రిల్ ప్రారంభంలో జరిగింది.
అధికారుల వివరణ: కరతబాలు చూపిస్తున్న సమయంలో మాంత్రికుని చేతిలో నుండి కోబ్రా జారిపోయి 57 ఏళ్ల జర్మన్ వ్యక్తి ప్యాంట్లోకి దూరిందని అధికారులు తెలిపారు. పాము కాటు కారణంగా ఆ వ్యక్తి మరణించాడు. పోలీసులు బాధితుడి వివరాలను గోప్యంగా ఉంచారు. అతను తన కుటుంబ సభ్యులతో కలిసి ఈజిప్టు పర్యటనకు వెళ్ళినట్లు సమాచారం.
ఆ షోలో మాంత్రికుడు రెండు కోబ్రా పాములను ప్రదర్శన కోసం ఉంచాడు. సాధారణంగా ఇలాంటి షోలలో పాములను వీక్షకుల దగ్గరకు తీసుకువెళ్లడం, కొన్నిసార్లు పర్యాటకుల మెడలో వేయడం వంటివి చేస్తుంటారు. కానీ ఈసారి పాము ప్యాంట్లోకి దూరి కాటు వేయడం అందరినీ దిగ్భ్రాంతికి గురిచేసింది.
బాధితుడిని వెంటనే స్థానిక ఆసుపత్రికి తరలించినప్పటికీ, అప్పటికే విషం శరీరం అంతా పాకడంతో అతను మరణించాడు. కోబ్రా అత్యంత విషపూరితమైనది కాబట్టి, కాటు వేసిన వెంటనే చికిత్స అందకపోతే మనిషి ప్రాణాలు కోల్పోతాడు.