శరీరంలో చెడు కొలెస్ట్రాల్ పెరిగిపోయిందా?.. అయితే ఇది తినండి..!!

ప్రతిరోజూ ఉదయం అల్పాహారంగా సజ్జ జావ లేదా సజ్జ సంకటిని తీసుకుంటే శరీరంలోని చెడు కొలెస్ట్రాల్ కరిగి, శరీరం దృఢంగా మారుతుంది.

కావలసిన పదార్థాలు:

• సజ్జలు: 1 కప్పు
• పాలు: 1 ½ కప్పు
• పెరుగు: ½ కప్పు
• క్యారెట్: 1 (తురిమినది)
• పోపు దినుసులు: ఆవాలు, మినప్పప్పు (1 చెంచా)
• పచ్చిమిర్చి: 1
• ఎండుమిర్చి: 2
• అల్లం: చిన్న ముక్క (తరిగినది)
• ఇంగువ: 1 చిటికెడు
• నూనె, ఉప్పు: తగినంత
• కొత్తిమీర, కరివేపాకు: కొద్దిగా

తయారీ విధానం:

1. మొదట అల్లం, పచ్చిమిర్చి, కొత్తిమీరను సన్నగా తరిగి పెట్టుకోవాలి. క్యారెట్‌ను తురుముకోవాలి.
2. సజ్జలను శుభ్రం చేసి, మిక్సీలో వేసి మరీ మెత్తగా కాకుండా రవ్వలాగా (బరకగా) పట్టుకోవాలి.
3. ఈ సజ్జ రవ్వకు ఐదు కప్పుల నీళ్లు కలిపి, కుక్కర్‌లో మధ్యస్థ మంట మీద ఉడికించాలి.
4. సుమారు 4 విజిల్స్ వచ్చాక దించి, అందులో పాలు పోసి బాగా కలపాలి.
5. ఇప్పుడు ఒక బాణలిలో నూనె వేడి చేసి ఆవాలు, మినప్పప్పు, ఇంగువ, కరివేపాకు, ఎండుమిర్చి, పచ్చిమిర్చి, అల్లం వేసి పోపు పెట్టుకోవాలి.
6. ఈ పోపును ఉడికించిన సజ్జ మిశ్రమంలో కలపాలి.
7. చివరగా తగినంత ఉప్పు, క్యారెట్ తురుము, పెరుగు మరియు అవసరమైతే మరికొన్ని నీళ్లు పోసి, కొత్తిమీర చల్లుకుంటే ఎంతో రుచికరమైన సజ్జ పెరుగు అన్నం సిద్ధం.