మెడికల్ డెస్క్: గర్భం దాల్చాలంటే స్త్రీ, పురుషుల మధ్య శారీరక సంబంధం తప్పనిసరి అనేది ప్రకృతి నియమం. కానీ, ఈ ప్రాథమిక సూత్రాన్ని సవాల్ చేస్తూ ఒక అంతర్జాతీయ వార్త ఇప్పుడు వైద్య నిపుణుల్లో తీవ్ర చర్చకు దారితీసింది. లైంగిక సంబంధం లేకుండానే ఒక కౌమార బాలిక గర్భవతి కావడమే కాకుండా, పండంటి బిడ్డకు జన్మనివ్వడం అందరినీ ఆశ్చర్యంలో ముంచెత్తుతోంది. దీని వెనుక ఉన్న సైన్స్ ఏంటి? ఇది సాధ్యమేనా? అన్న వివరాల్లోకి వెళ్తే..
కడుపునొప్పి అని వెళ్తే.. ప్రసవం అని తేలింది!
తీవ్రమైన కడుపునొప్పితో ఆసుపత్రిలో చేరిన 15 ఏళ్ల బాలికను పరీక్షించిన వైద్యులు షాక్కు గురయ్యారు. ఆమెకు పురిటినొప్పులు వస్తున్నాయని నిర్ధారించారు. అయితే ఇక్కడే ఒక పెద్ద ట్విస్ట్ ఉంది. సదరు బాలికకు పుట్టుకతోనే యోని ద్వారం (Vaginal opening) లేదు. అంటే ఆమెకు సాధారణ పద్ధతిలో శారీరక సంబంధం పెట్టుకోవడం అసాధ్యం. అయినప్పటికీ ఆమె గర్భాశయం, అండాశయాలు ఆరోగ్యంగా పనిచేస్తున్నాయి. విస్మయానికి గురైన వైద్యులు సిజేరియన్ చేసి ఆమెకు డెలివరీ చేశారు.
వైద్య శాస్త్రం చెప్పే వింత కారణం!
బ్రిటిష్ జర్నల్ ఆఫ్ అబ్స్టెట్రిక్స్ అండ్ గైనకాలజీ వంటి ప్రముఖ మెడికల్ జర్నల్స్లో ఇలాంటి అరుదైన కేసులు గతంలోనూ నమోదయ్యాయి. ఈ బాలిక కేసులో పరిశోధనలు చేసిన నిపుణులు ఒక వింతైన సిద్ధాంతాన్ని తెరపైకి తెచ్చారు.
- గర్భం దాల్చడానికి కొన్ని నెలల ముందు ఆ బాలిక పొత్తికడుపుపై కత్తిపోట్లకు గురై తీవ్రంగా గాయపడింది.
- అదే సమయంలో ఆమె ఓరల్ సెక్స్లో పాల్గొన్నట్లు సమాచారం.
- వైద్యుల అంచనా ప్రకారం.. జీర్ణ వ్యవస్థలోకి ప్రవేశించిన వీర్యం, కడుపుపై ఉన్న లోతైన గాయాల ద్వారా అంతర్గతంగా ప్రయాణించి అండాశయాల వద్దకు చేరి ఉండవచ్చు. అక్కడ అండంతో శుక్రకణం ఫలదీకరణం చెంది గర్భం దాల్చేలా చేసింది. దీనినే వైద్య పరిభాషలో “ట్రోమా ఇండ్యూస్డ్ నాన్-జెనిటల్ రూట్” (గాయం ద్వారా అసాధారణ మార్గంలో గర్భం దాల్చడం) అని పిలుస్తారు. ఇది కోటిలో ఒకరికి జరిగే అత్యంత అరుదైన సంఘటన.
నిపుణుల హెచ్చరిక:
సాధారణంగా ఇలాంటి సంఘటనలు జరిగినప్పుడు ప్రజల్లో అనేక అపోహలు వచ్చే అవకాశం ఉందని వైద్యులు హెచ్చరిస్తున్నారు. కేవలం నోటి ద్వారా లేదా గాయాల ద్వారా గర్భం దాల్చడం అనేది అత్యంత అరుదైన వైద్య వైకల్యం లేదా ప్రమాదాల వల్ల మాత్రమే జరుగుతుందని, ఇది సాధారణ గర్భధారణ పద్ధతి కాదని స్పష్టం చేస్తున్నారు.
అయితే, పూర్తిస్థాయి శారీరక సంబంధం లేకపోయినా.. శుక్రకణాలు యోని వెలుపల స్పర్శించినా లేదా చేతుల ద్వారా లోపలికి ప్రవేశించినా గర్భం దాల్చే అవకాశం ఉంటుందని నిపుణులు హెచ్చరిస్తున్నారు. ఈ వార్త కేవలం వైద్యపరమైన వింత అని, దీనిపై అవాస్తవ ప్రచారాలు నమ్మవద్దని, సరైన లైంగిక విద్య మరియు అవగాహన కలిగి ఉండాలని డాక్టర్లు సూచిస్తున్నారు.