అయోధ్యలో రామమందిర నిర్మాణం తర్వాత దేశవ్యాప్తంగా మళ్ళీ రామాయణ గాథపై చర్చ మొదలైంది. మనం చిన్నప్పటి నుండి శ్రీరాముడి ఆదర్శాలను, ఆయన కథలను విన్నాం. కానీ, రాముడు ఏ వంశంలో పుట్టాడు? ఆయన పూర్వీకులు ఎవరు? అనే విషయాలు చాలా తక్కువ మందికి తెలుసు. శ్రీరాముడు కేవలం ఒక అవతార పురుషుడు మాత్రమే కాదు, వేల ఏళ్ల చరిత్ర కలిగిన ఒక గొప్ప రాజవంశ వారసుడు. ముఘల్ లేదా ఇతర సామ్రాజ్యాల వంశవృక్షాలను మనం చరిత్రలో చదివినట్లుగానే, రాముడికి కూడా 63 తరాల సుదీర్ఘ వంశ చరిత్ర ఉంది. ఆ విశేషాలేంటో ఇప్పుడు చూద్దాం.
సూర్యవంశం: ఒక వ్యక్తి కాదు.. ఒక గొప్ప సంప్రదాయం!
శ్రీరాముడు జన్మించిన ఇక్ష్వాకు వంశాన్నే ‘సూర్యవంశం’ అని కూడా పిలుస్తారు. ఈ వంశంలో పుట్టిన ప్రతి రాజు సమాజం కోసం ఏదో ఒక గొప్ప కార్యం చేసినవారే. రాముడి తండ్రి దశరథుడు అని మనకు తెలుసు, కానీ ఆయన కంటే ముందు భగీరథుడు, హరిశ్చంద్రుడు వంటి మహానుభావులు ఈ వంశ గౌరవాన్ని పెంచారు. అందుకే రాముడిని కేవలం ఒక రాజుగా కాకుండా, ఒక సంస్కృతికి ప్రతినిధిగా కొలుస్తారు.
బ్రహ్మ నుండి శ్రీరాముడి వరకు.. వంశవృక్షం ఇదే!
పురాణాల ప్రకారం శ్రీరాముడి వంశక్రమం ఇలా సాగింది:
- బ్రహ్మదేవుడు
- మరిచి (బ్రహ్మ కుమారుడు)
- కశ్యపుడు
- వివస్వానుడు (సూర్యుడు)
- వైవస్వత మనువు
- ఇక్ష్వాకు (ఈయన పేరు మీదనే ఇక్ష్వాకు వంశం అని పిలుస్తారు)
- కుక్షి
- వికుక్షి
- బాణుడు
- అనరణ్యుడు
- పృథువు
- త్రిశంకువు
- ధుంధుమారుడు
- యువనాశ్వుడు
- మాంధాత
- సుసంధి
- ధ్రువసంధి & ప్రసేనజిత్తు
- భరతుడు (ధ్రువసంధి కుమారుడు)
- అసితుడు
- సగరుడు
- అసమంజసుడు
- అంశుమంతుడు
- దిలీపుడు
- భగీరథుడు (గంగను భూమికి తెచ్చిన మహానుభావుడు)
- కకుత్స్థుడు
- రఘు (ఈయన పేరు మీదనే ‘రఘువంశం’ అనే పేరు వచ్చింది)
- ప్రవృద్ధుడు
- శంఖణుడు
- సుదర్శనుడు
- అగ్నివర్ణుడు
- శీఘ్రగుడు
- మరు
- ప్రశుశ్రుకుడు
- అంబరీషుడు
- నహుషుడు
- యయాతి
- నాభాగుడు
- అజుడు
- దశరథుడు
- శ్రీరామచంద్రుడు (భరత, లక్ష్మణ, శత్రుఘ్నులు)
- లవుడు మరియు కుశుడు