సినిమా షూటింగ్ సెట్స్‌లో సాహస దృశ్యాలను చిత్రీకరించేటప్పుడు ఎన్ని రక్షణ చర్యలు తీసుకున్నప్పటికీ, కొన్నిసార్లు ఊహించని ప్రమాదాలు జరుగుతూనే ఉంటాయి.
తాజాగా సోషల్ మీడియాలో వైరల్ అవుతున్న ఒక వీడియో అందరినీ భయాందోళనలకు గురి చేస్తోంది. ఒక యాక్షన్ సీన్ చిత్రీకరిస్తున్న సమయంలో, స్టంట్ వుమన్‌పై ప్రమాదవశాత్తూ నిప్పు అంటుకుంది. ఇది ప్లాన్ చేసిన నిప్పు దృశ్యమే అయినప్పటికీ, ఒకానొక దశలో మంటలు ఒక్కసారిగా ఆమె శరీరం అంతటా వేగంగా వ్యాపించాయి. దీంతో అక్కడ ఉన్న చిత్ర యూనిట్ సభ్యులు షాక్‌తో కేకలు వేశారు. ఆ స్టంట్ వుమన్ ఒక క్షణం పాటు అగ్నిగోళంలా మారిపోవడం చూస్తుంటే ఒళ్ళు గగుర్పొడుస్తోంది.
క్షణాల్లో తప్పిన ప్రమాదం
వెంటనే అప్రమత్తమైన చిత్ర బృందం, అగ్నిమాపక పరికరాలతో రంగంలోకి దిగి కొద్ది సెన్కన్లలోనే మంటలను ఆర్పేశారు. పొగ మరియు నురగ మధ్య ఆ స్టంట్ వుమన్ ఎటువంటి గాయాలు లేకుండా సురక్షితంగా బయటపడింది. ఆమె ధరించిన అత్యాధునిక రక్షణ దుస్తులు (Safety Gear) ఆమెను ఈ పెను ప్రమాదం నుండి కాపాడాయి.
నెటిజన్ల స్పందన
ఈ వీడియోపై సోషల్ మీడియాలో భిన్నమైన స్పందనలు వస్తున్నాయి. “సినిమా కోసం ప్రాణాలను పణంగా పెట్టి పని చేసే వీరి అంకితభావం గొప్పది” అని కొందరు ప్రశంసిస్తుంటే, “ఇంతటి భారీ రిస్క్ అవసరమా?” అని మరికొందరు ప్రశ్నిస్తున్నారు. సినిమాల్లో కనిపించే ప్రతి సాహసం వెనుక ఎంతో మంది శ్రమ, రిస్క్ దాగి ఉంటాయనడానికి ఈ వీడియో నిదర్శనంగా నిలిచింది.