ఇండోర్ క్రైమ్: మధ్యప్రదేశ్లోని ఇండోర్లో బంధాలకు మాయని మచ్చ తెచ్చే ఘటన వెలుగుచూసింది. 12 ఏళ్ల బాలికపై సవతి తండ్రి లైంగిక వేధింపులకు పాల్పడటంతో, ఆమె ఫిర్యాదు మేరకు పోలీసులు అతడిపై పోక్సో చట్టం కింద కేసు నమోదు చేశారు.
కేసు వివరాలు: బాధితురాలి కథనం ప్రకారం, సవతి తండ్రి కొద్ది రోజులుగా ఆమెను వేధిస్తున్నాడు. రెండు రోజుల క్రితం అతను తన హద్దులు దాటడంతో, భయంతో ఆ బాలిక తన తల్లికి జరిగిన దారుణాన్ని వివరించింది. వెంటనే బాలికను తీసుకుని తల్లి పోలీస్ స్టేషన్కు వెళ్లి ఫిర్యాదు చేసింది.
మే 26న రాత్రి నిందితుడు బాలికను వేధించడమే కాకుండా, ఎవరికైనా చెబితే చంపేస్తానని బెదిరించాడని బాధితురాలు పేర్కొంది. గతంలో బాలిక తండ్రి మరణించడంతో ఆమె తల్లి ఈ వ్యక్తిని రెండో వివాహం చేసుకుంది.
మరదలితోనూ అసభ్య ప్రవర్తన: ఈ ఘటనపై బాలిక తల్లి మాట్లాడుతూ, గతంలో వారు బాణ్గంగ ప్రాంతంలో ఉన్న తన సోదరి (బాధితురాలి పిన్ని) ఇంటికి వెళ్లినప్పుడు, అక్కడ కూడా నిందితుడు తన మరదలితో అసభ్యంగా ప్రవర్తించాడని ఆరోపించింది. ఆ ఘటనపై అప్పట్లోనే బాణ్గంగ పోలీస్ స్టేషన్లో ఫిర్యాదు కూడా నమోదైంది. నిందితుడి ప్రవర్తన మారకపోవడంతో ఇప్పుడు మళ్లీ దారుణానికి ఒడిగట్టాడు. పోలీసులు ఈ కేసులో తదుపరి దర్యాప్తు కొనసాగిస్తున్నారు.
ఇటీవలి కాలంలో ఇలాంటి కేసులు: ఢిల్లీలో కూడా ఇలాంటి ఒక దారుణ ఘటన చోటుచేసుకుంది. ఒక సవతి తండ్రి 14 ఏళ్ల బాలికపై అత్యాచారం చేయడంతో, ఆమె ఐదు నెలల గర్భవతి కావడంతో ఈ విషయం వెలుగులోకి వచ్చింది. అప్పుడు పోలీసులు నిందితుడిని అరెస్టు చేశారు. కుటుంబాల్లోనే ఇటువంటి అరాచకాలు జరగడం సమాజానికి ఆందోళన కలిగిస్తోంది.