సోషల్ మీడియాలో ప్రతిరోజూ ఎన్నో వింత పెళ్లి వీడియోలు వైరల్ కావడం సాధారణం. కానీ, తాజాగా ‘ఎక్స్’ (X) ప్లాట్ఫామ్లో వచ్చిన ఒక వీడియో మాత్రం ఇంటర్నెట్ ప్రపంచాన్ని షాక్కు గురిచేసింది.
సాధారణంగా సినిమాల్లో మాత్రమే కనిపించే ఒక క్లైమాక్స్ సన్నివేశం, నిజ జీవితంలో పెళ్లి పీటలపై జరిగింది. వివాహ వేడుకలు ఘనంగా జరుగుతున్న సమయంలో, పెళ్లికొడుకు మరియు బంధువులందరి ముందే అకస్మాత్తుగా వధువు ప్రియుడు వేదికపైకి వచ్చి, ఎవరూ ఊహించని విధంగా వధువు నుదుటిపై కుంకుమ పెట్టాడు. ఆ ఒక్క క్షణంతో పెళ్లి వేదికపై సంతోషం కాస్తా తీవ్ర గందరగోళంగా మారింది.
ప్రేమికుడి ఈ అకస్మాత్తు చర్యతో ఆగ్రహించిన వరుడి కుటుంబ సభ్యులు, వధువు తరపు వారు మరియు బంధువులందరూ కలిసి అతడిని పట్టుకున్నారు. పెళ్లికొడుకు ముందే ఇంత సాహసం చేసినందుకు అక్కడ ఉన్నవారు అతడిని చితకబాదారు. ఈ దాడిలో తీవ్రంగా గాయపడిన ఆ యువకుడిని చికిత్స కోసం ఆసుపత్రికి తరలించారు.
ఈ ఘటన ఎక్కడ, ఎప్పుడు జరిగిందనే దానిపై అధికారిక సమాచారం లేదు. కానీ, ఒక యూజర్ జూలై 7, 2026న ఎక్స్ (X) ఖాతాలో ఈ వీడియోను షేర్ చేస్తూ, “పూలదండలు మార్చుకునేటప్పుడు వచ్చి కుంకుమ పెట్టమని ప్రేయసి చెప్పింది, కానీ ఆ తర్వాత ఏం జరుగుతుందో చెప్పలేదు. పాపం, ఆ కుర్రాడికి ఒక పన్ను ఊడిపోయింది” అని హాస్యంగా పేర్కొన్నాడు. ప్రస్తుతం ఈ వీడియో 2.83 లక్షల వ్యూస్ దాటింది. కొందరు ఆ ప్రేమికుడి ధైర్యాన్ని మెచ్చుకుంటున్నా, చాలా మంది మాత్రం ఇది చాలా ప్రమాదకరమైన ఆట అని విమర్శిస్తున్నారు.