మధ్యప్రదేశ్: మధ్యప్రదేశ్లోని డాబ్రా (Dabra) ప్రాంతంలో ఒకే స్పోర్ట్స్ బైక్పై నలుగురు యువకులు అత్యంత ప్రమాదకరమైన రీతిలో స్టంట్లు చేస్తున్న వీడియో సోషల్ మీడియాలో వైరల్ అయ్యి అందరినీ షాక్కు గురిచేస్తోంది.
ఆ వీడియోలో, వేగంగా వెళ్తున్న బైక్ పై ఒక యువకుడు నిలబడి, మొబైల్ ఫోన్లో మాట్లాడుకుంటూ ప్రయాణించడం అందరినీ భయాందోళనకు గురిచేస్తోంది. ఈ వీడియో వైరల్ కావడంతో, స్థానికులు తీవ్ర ఆగ్రహం వ్యక్తం చేస్తున్నారు. డాబ్రా ప్రాంతంలో ట్రాఫిక్ నిబంధనల ఉల్లంఘనలు పెరిగిపోతున్నాయని, ముఖ్యమైన కూడళ్లలో సిగ్నల్స్ కూడా సరిగ్గా పనిచేయడం లేదని ప్రజలు మండిపడుతున్నారు.
సాధారణ నిబంధనలను ఉల్లంఘించిన వారికే జరిమానాలు వేసే పోలీసులు, ఇంతటి రద్దీ ఉన్న రోడ్డుపై నలుగురు వ్యక్తులు ఇలా ప్రమాదకరంగా స్టంట్లు చేస్తుంటే ఎలా చూడకుండా వదిలేశారని వారు ప్రశ్నిస్తున్నారు.
ఈ వీడియో సోషల్ మీడియాలో వ్యాపించడంతో, డాబ్రా సిటీ పోలీస్ స్టేషన్ ఇన్స్పెక్టర్ సంజయ్ శర్మ విచారణకు ఆదేశించారు. ఈ ఘటన తమ ప్రాంతంలోనే జరిగిందని నిర్ధారించిన పోలీసులు, వీడియోలో కనిపిస్తున్న యువకులను గుర్తించే పనిలో నిమగ్నమయ్యారు. బైక్ యజమాని వివరాలు సేకరించిన వెంటనే, వారిపై కఠినమైన చట్టపరమైన చర్యలు తీసుకుంటామని పోలీసులు తెలిపారు. ప్రజల ప్రాణాలకు ముప్పు కలిగించేలా ఇలాంటి ప్రమాదకరమైన పనులు చేసే వారిపై కఠిన చర్యలు తీసుకోవాలని సోషల్ మీడియా వినియోగదారులు డిమాండ్ చేస్తున్నారు.