తిరునెల్వేలి జిల్లా పళయపేట్టై (పాతపేట) ప్రాంతానికి చెందిన 21 ఏళ్ల ఇసక్కి రాజా అనే యువకుడు.. ఆ ప్రాంతంలో స్టైల్‌గా, దర్పంగా (గెత్తుగా) తిరగాలనే ఉద్దేశంతో భయంకరమైన ఆయుధాలు చేతబూని వీడియోలు తీసి, వాటిని సోషల్ మీడియాలో రీల్స్‌గా పోస్ట్ చేశాడు.
ఈ వీడియోలు ఇంటర్నెట్‌లో వైరల్ కావడంతో, నెల్లై (తిరునెల్వేలి) సిటీ పోలీసులు దీనిపై సీరియస్‌గా దృష్టి సారించి దర్యాప్తు చేపట్టారు.
పోలీసులు జరిపిన ప్రాథమిక విచారణలో.. ఇసక్కి రాజా కాలేజీకి గానీ, ఏ ఇతర పనికి గానీ వెళ్లకుండా ఇంటికే పరిమితమయ్యాడని తేలింది. కేవలం సోషల్ మీడియాలో తన దర్పం ప్రదర్శించుకోవడం కోసమే ఆయుధాలతో ఇలా రీల్స్ చేసి పోస్ట్ చేసినట్లు వెల్లడైంది.
దీంతో, ప్రజలను భయభ్రాంతులకు గురిచేసేలా ఆయుధాలతో రీల్స్ పోస్ట్ చేసిన నేరానికి ఇసక్కి రాజాను పోలీసులు వెంటనే అరెస్ట్ చేశారు. అతనికి ఈ ఆయుధాలు ఎక్కడి నుంచి వచ్చాయి? ఇతర నేర కార్యకలాపాలతో అతనికి ఏమైనా సంబంధం ఉందా? అనే కోణంలో పోలీసులు అతన్ని తీవ్రంగా విచారిస్తున్నారు.