అయ్యో దేవుడా..! రోడ్డు దాటుతుండగా ఒక్కసారిగా దూసుకొచ్చిన బైక్..! ముగ్గురితో ప్రయాణిస్తున్న ద్విచక్ర వాహనం ఢీకొనడంతో ఎగిరిపడిన పాదచారులు…!!

వడోదరలో జరిగిన ఈ ఘోర రోడ్డు ప్రమాదం.. రహదారిపై ప్రతి ఒక్కరూ మరింత అప్రమత్తంగా ఉండాల్సిన అవసరాన్ని గుర్తుచేస్తోంది.

వడోదరలోని మహేష్ కాంప్లెక్స్ సమీపంలో కాలాదర్శన్ సర్ రస్తా వైపు అతివేగంగా వెళ్తున్న ఓ ద్విచక్ర వాహనం.. రోడ్డు దాటేందుకు ప్రయత్నిస్తున్న ఇద్దరు పాదచారులను బలంగా ఢీకొట్టింది. ఈ ప్రమాదంలో ఇద్దరు గాయపడగా, వారిలో ఒకరిని తీవ్ర చికిత్స కోసం ఆసుపత్రికి తరలించినట్లు సమాచారం.

ఈ ప్రమాదానికి ద్విచక్ర వాహనంపై నిబంధనలకు విరుద్ధంగా ముగ్గురు ప్రయాణించడం, అతివేగంగా వాహనం నడపడం ప్రధాన కారణాలుగా తెలుస్తోంది. ఒక బైక్‌పై పరిమితికి మించి వ్యక్తులు ప్రయాణిస్తే వాహనంపై నియంత్రణ తగ్గడంతో పాటు, అత్యవసర సమయంలో వెంటనే బ్రేకులు వేయడం కూడా కష్టమవుతుంది.

అదేవిధంగా, అతివేగం కారణంగా పాదచారులు అకస్మాత్తుగా రోడ్డు దాటుతున్న సమయంలో వాహనాన్ని అదుపు చేయడానికి అవసరమైన సమయం లేకపోవడంతో ప్రమాదం మరింత తీవ్రంగా మారింది.

“కొంచెం దూరమే కదా” అంటూ నిర్లక్ష్యంగా ట్రాఫిక్ నిబంధనలు ఉల్లంఘించడమే ఇలాంటి ఘోర ప్రమాదాలకు కారణమవుతోంది.

ఈ ఘటనపై పోలీసులు దర్యాప్తు చేస్తున్న సమయంలో.. స్థానికులు అతివేగంగా వాహనాలు నడిపేవారిపై, ట్రాఫిక్ నిబంధనలు ఉల్లంఘించే వారిపై కఠిన చర్యలు తీసుకోవాలని డిమాండ్ చేస్తున్నారు.

ఇకనైనా ప్రతి ఒక్కరూ ట్రాఫిక్ నిబంధనలను తప్పకుండా పాటిస్తూ.. తమతో పాటు ఇతరుల భద్రతను కూడా కాపాడాలి.