“కొద్ది క్షణాలే..! “వేగంగా కదిలిన రైలు”. ఆత్రుతలో పసిబిడ్డను మర్చిపోయిన తల్లి. దేవదూతలా వచ్చి కాపాడిన అజ్ఞాత వ్యక్తి.. చివరికి జరిగిన అద్భుతం. వీడియో వైరల్..!!

సోషల్ మీడియాలో ప్రస్తుతం కొన్ని సెకన్ల నిడివి గల ఒక వీడియో వేగంగా వైరల్ అవుతూ, లక్షలాది మంది హృదయాలను కదిలిస్తోంది.

ఆ వీడియోలో మానవత్వం, ధైర్యం మరియు నిస్వార్థ సేవకు ఒక అద్భుతమైన ఉదాహరణ కనిపిస్తుంది. ఒక రైల్వే స్టేషన్‌లో రైలు ఆగినప్పుడు, ఒక తల్లి తన పెద్ద కుమార్తెతో కలిసి ఆత్రుతగా ప్లాట్‌ఫారమ్‌పైకి దిగుతుంది. కానీ, లగేజీ చూసుకోవాలనే కంగారులో, ఆమె తన చిన్న బిడ్డను రైలులోనే మర్చిపోతుంది. అంతలోనే రైలు మెల్లగా కదలడం మొదలవుతుంది. తన పసిబిడ్డ రైలులోనే ఉండిపోయిందని గ్రహించిన ఆ తల్లి, భయంతో కేకలు వేస్తూ కదులుతున్న రైలుతో పాటు పరిగెత్తడం మొదలుపెడుతుంది. తల్లి భయాన్ని, ఆందోళనను చూసి పెద్ద కుమార్తె కూడా భయపడి తల్లి వెంట పరుగులు తీస్తుంది.

ఈ క్లిష్ట సమయంలో, రైలులో ఉన్న ఒక అజ్ఞాత యువకుడు ఏమాత్రం ఆలోచించకుండా, సమయస్ఫూర్తితో స్పందించి సాయానికి ముందుకొస్తాడు. కదులుతున్న రైలు నుండి ఆ చిన్న బిడ్డను సురక్షితంగా ఎత్తుకుని కిందకు దూకి, ప్లాట్‌ఫారమ్‌పై ఏడుస్తూ పరిగెత్తుకుంటూ వచ్చిన తల్లికి బిడ్డను అప్పగిస్తాడు. అనంతరం, వేగం పుంజుకుంటున్న రైలులో తిరిగి ఎక్కి వెళ్లిపోతాడు.

ఒక దేవదూతలా క్షణాల్లో వచ్చి సాయం చేసి, ఆ యువకుడు రైలుతో పాటే మాయమైపోతాడు. చివరికి తన బిడ్డను గుండెలకు హత్తుకున్న ఆ తల్లి ముఖంలో కనిపించిన నిమ్మది మరియు ఆనందం చూసేవారి కళ్ళలో నీళ్లు తెప్పిస్తుంది. ‘ఎక్స్’ (X) ప్లాట్‌ఫారమ్‌లో ‘@SitamarhiJila’ అనే ఖాతాలో షేర్ చేయబడిన ఈ వీడియోను లక్షలాది మంది వీక్షించారు. నెటిజన్లు ఆ యువకుడిని “నిజ జీవిత హీరో” అని కొనియాడుతూ, “మానవత్వం ఇంకా బతికే ఉంది” అని కామెంట్స్ చేస్తున్నారు.