దారుణం: గర్భవతి అయిన భార్యను చంపి, 3 రోజుల పాటు శవంతోనే ఉన్న భర్త ఆత్మహత్య!

తమిళనాడు: తిరుపూర్‌లో కుటుంబ కలహాల కారణంగా, 3 నెలల గర్భవతి అయిన తన భార్యను చపాతీ కర్రతో కొట్టి చంపిన భర్త, ఆ శవంతోనే 3 రోజుల పాటు ఉండి, ఆ తర్వాత తాను ఉరేసుకుని ఆత్మహత్య చేసుకున్న ఘటన తీవ్ర సంచలనం సృష్టించింది.

ఏం జరిగిందంటే: తిరుపూర్‌కు చెందిన శరవణ కుమార్ (27), శ్రీమతి (19) దంపతుల మధ్య గొడవలు జరుగుతుండేవి. 3 రోజుల క్రితం జరిగిన గొడవలో ఆగ్రహించిన శరవణ కుమార్, వంటగదిలోని చపాతీ కర్రతో శ్రీమతి తలపై కొట్టడంతో ఆమె అక్కడికక్కడే మరణించింది.

షాకింగ్ నిజం: భార్యను చంపిన భయం వల్ల బయటకు రాని శరవణ కుమార్, 3 రోజుల పాటు ఆమె మృతదేహం ఉన్న ఇంట్లోనే ఉన్నాడు. మృతదేహం కుళ్ళిపోయి దుర్వాసన రావడంతో, పోలీసులు పట్టుకుంటారనే భయంతో అతను మరో గదిలో ఉరేసుకుని ఆత్మహత్య చేసుకున్నాడు. స్థానికుల సమాచారం మేరకు పోలీసులు ఇంటి తలుపులు బద్దలు కొట్టి, రెండు మృతదేహాలను స్వాధీనం చేసుకుని పోస్ట్‌మార్టం కోసం తరలించారు. పోలీసులు ఈ ఘటనపై కేసు నమోదు చేసి విచారణ చేస్తున్నారు.