స్నేహితురాలే చేసిన కుట్రనా?.. ఎన్నో ఆశలతో వెళ్లిన యువతులు.. అమెరికాలో వరుసగా బలైన కేరళ ముద్దుగుమ్మలు.. వెలుగులోకి భయంకర నిజాలు.!!

అమెరికాలోని కాలిఫోర్నియా రాష్ట్రంలో ఒకే అపార్ట్‌మెంట్‌లో నివసిస్తున్న కేరళకు చెందిన అంజనా హరి, ఆన్ మాథ్యూ అనే ఇద్దరు యువతులు దారుణ హత్యకు గురయ్యారు.

త్రిస్సూర్, తిరువనంతపురం జిల్లాలకు చెందిన వీరిద్దరూ అక్కడ వేర్వేరు రంగాల్లో ఉద్యోగాలు చేస్తున్నప్పటికీ, ఒకరికొకరు మంచి స్నేహితులుగా ఉండేవారు. వీరిద్దరి ఆకస్మిక మృతి అమెరికాలోని ప్రవాస మలయాళీలతో పాటు కేరళలోని వారి కుటుంబాల్లో తీవ్ర దిగ్భ్రాంతిని, తీరని విషాదాన్ని నింపింది.

ఈ జంట హత్యల కేసులో ఆన్ మాథ్యూ కత్తిపోట్లకు గురై ప్రాణాలు కోల్పోగా, అంజనాను ఇంటి నుంచి బయటకు పిలిపించి కారుతో ఢీకొట్టి హతమార్చినట్లు ప్రాథమిక సమాచారం ద్వారా తెలుస్తోంది. నీలిరంగు ఎస్‌యూవీ (SUV) కారుతో అంజనాను ఢీకొట్టిన 32 ఏళ్ల వ్యక్తిని కాలిఫోర్నియాలోని మిల్పిటాస్ నగర పోలీసులు అదుపులోకి తీసుకున్నారు. అంతేకాకుండా, మృతి చెందిన ఇద్దరికీ ఉమ్మడి స్నేహితురాలైన కొట్టాయంకు చెందిన అనిల అనే యువతికి కూడా ఈ హత్యలతో సంబంధం ఉండవచ్చనే కోణంలో అమెరికా పోలీసులు లోతుగా దర్యాప్తు చేస్తున్నారు.

మృతి చెందిన యువతుల మృతదేహాలను స్వదేశానికి రప్పించేందుకు కేంద్ర మంత్రి సురేష్ గోపి మార్గదర్శకత్వంలో శాన్ ఫ్రాన్సిస్కోలోని భారత కాన్సులేట్ ముమ్మర చర్యలు చేపట్టింది. అయితే, ఇది హత్య కేసు కావడంతో పోస్ట్‌మార్టం, ఫోరెన్సిక్ పరీక్షలతో సహా అమెరికా చట్టపరమైన ప్రక్రియలన్నీ పూర్తయిన తర్వాతే మృతదేహాలను అప్పగించే అవకాశం ఉందని అధికారులు తెలిపారు. దీంతో విచారణ త్వరితగతిన ముగిసి మృతదేహాలు ఎప్పుడు వస్తాయా అని కేరళలోని వారి కుటుంబ సభ్యులు తీవ్ర వేదనతో ఎదురుచూస్తున్నారు.